Отношение христианина к еретикам и инославным в свете канонов Православной Церкви

 

Правила Святых Апостол:
Правило 7 Аще кто, епископ, или пресвитер, или диакон святый день Пасхи прежде весеннего равноденствия с иудеями праздновати будет: да будет извержен от священного чина.
Правило 45 Епископ, или пресвитер, или диакон с еретиками молившийся токмо, да будет отлучен. Аще же позволит им действовать что-либо, яко служителям церкви: да будет извержен.
Правило 46 Епископа, или пресвитера, приявших крещение или жертву еретиков, извергати повелеваем. Кое бо согласие Христови с велиаром; или кая часть верному с неверным.
Правило 47 Епископ или пресвитер, аще по истине имеющего крещение вновь окрестит, или аще от нечестивых оскверненного не окрестит: да будет извержен, яко посмеивающийся Кресту и смерти Господней, и не различающий священников от лжесвященников.
Правило 60 Аще кто подложные книги нечестивых, аки святые в церкви оглашает, ко вреду народа и клира: да будет извержен.
Правило 65 Аще кто из клира, или мирянин, в синагогу иудейскую или еретическую войдет помолиться: да будет и от чина священного извержен, и отлучен от общения церковного.
Правило 70 Аще кто, епископ, или пресвитер, или диакон, или вообще кто из списка клира, постится с иудеями, или празднует с ними, или приемлет от них дары праздников их, как то, опресноки, или нечто подобное: да будет извержен. Аще же мирянин: да будет отлучен.
Правило 71 Аще который христианин принесет елей в капище языческое, или в синагогу иудейскую, в их праздники или возжет свещу: да будет отлучен от общения церковного.

Правила VI Вселенского Собора:
Правило 11 Никто из принадлежащих к священному чину, или из мирян, отнюдь не должен ясти опресноки, даваемые иудеями, ни вступати в содружество с ними, ни в болезнях призывати их, ни в банях купно с ними мытися. Аще кто дерзнет сие творити: то клирик да будет извержен, а мирянин да будет отлучен.
Правило 72 Недостоит мужу православному с женою еретическою браком совокуплятися, ни православной жене с мужем еретиком сочетаватися. Аще же усмотрено будет нечто таковое, соделанное кем либо: брак почитати не твердым, и незаконное сожитие расторгати. Ибо не подобает смешивати несмешаемое, ниже совокупляти с овцею волка, и с частию Христовою жребий грешников. Аще кто постановленное нами преступит: да будет отлучен. Но аще некоторые, будучи в неверии, и не быв причтены к стаду православных, сочетались между собою законным браком: потом един из них, избрав благое, прибегнул ко свету Истины, а другий остался в узах заблуждения, не желая воззрети на Божественные лучи, и аще притом неверной жене угодно сожительствовати с мужем верным, или напротив мужу неверному с женою верною: то да не разлучаются, по божественному апостолу: святится бо муж неверен о жене, и святится жена неверна о муже.

Правила VII Вселенского Никейского Собора:
Правило 8 Поелику некоторые из еврейского вероисповедания, блуждая, возомнили ругатися Христу Богу нашему, притворно делаяся христианами, втайне же отвергаяся Его, и скрытно субботствуя, и прочее иудейское исполняя: то определяем, сих ни во общение, ни к молитве, ни в Церковь не приимати: но явно быти им, по их вероисповеданию, евреями: и детей их не крестити, и раба им не покупати, или не приобретати. Аще же кто из них с искреннею верою обратится, и исповедует оную от всего сердца, торжественно отвергая еврейские их обычаи и дела, дабы через то и других обличити и исправити: сего принимати и крещати детей его, и утверждати их во отвержении еврейских умышлений. Аще же не таковы будут: отнюдь не приимати их.

Правила Святаго Поместного Собора Лаодикийского:
Правило 6 Не попускати еретикам, коснеющим в ереси, входити в Дом Божий. Правило 9 На кладбища всяких еретиков, или в так именуемые у них мученические места, да не будет позволено церковным ходити для молитвы, или для врачевания. А ходящим, аще суть верные, быти лишенным церковного общения на некое время. Кающихся же и исповедающих, яко согрешили, приимати в общение.
Правило 10 Не должно церковным, без разбора, совокупляти детей своих брачным союзом с еретиками.
Правило 29 Не подобает христианам иудействовати, и в субботу праздновати, но делати в сей день: а день воскресный преимущественно праздновати, аще могут, яко христианам. Аще обрящутся иудействующие: да будет анафема от Христа.
Правило 31 Не подобает со всяким еретиком заключати брачный союз, или отдавати таковым сынов или дщерей, но паче брати от них, аще обещаются христианами быти.
Правило 32 Не подобает от еретиков принимати благословения, которые суть суесловия паче, нежели благословения.
Правило 33 Не подобает молитися с еретиком, или отщепенцем.
Правило 34 Всякому христианину не подобает оставляти мучеников Христовых, и отходити ко лжемученикам, которые, то есть у еретиков находятся, или сами еретиками были. Ибо сии удалены от Бога: того ради прибегающие к ним да будут под клятвою.
Правило 35 Не подобает христианам оставляти Церковь Божию, и отходитити, и ангелов именовати, и творити собрания. Сие отвержено. Того ради, аще кто обрящется упражняющимся в таковом тайном идолослужении, да будет анафема: понеже оставил Господа нашего Иисуса Христа, Сына Божия, и приступил к идолослужению.
Правило 37 Не должно принимати праздничные дары, посылаемые от иудеев, или еретиков, ниже праздновати с ними.
Правило 38 Не должно принимати от иудеев опресноки, или приобщатися нечестиям их.